ՊԵԿ-ը կհրապարակի ոչ կարգապահ հարկ վճարողների մասին տեղեկատվություններ
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: ՀՀ հարկային օրենսգրքով սահմանված պահանջներն ապահովելու համար կառավարությունը սահմանեց հարկային մարմնի կողմից հարկ վճարողների ցանկերի հրապարակման կարգը և ձևերը: ՀՀ պետական եկամուտների կոմիտեի նախագահի տեղակալ Վախթանգ Միրումյանը նշեց, որ այսպիսով կկարգավորվի հարկային մարմնի պաշտոնական ինտերնետային կայքում օրենսգրքով սահմանված տեղեկությունների հրապարակման գործընթացը:
«Մասնավորապես նախատեսվում է, որ պետք է հրապարակվեն ոչ կարգապահ, ինչպես նաև պետբյուջե խոշոր վճարումներ կատարած հարկ վճարողների մասին մանրամասն տեղեկություն», - «Արմենպրես»-ի հաղորդմամբ, ասաց Միրումյանը:
Անդրադառնալով ընդունված որոշմանը՝ ՀՀ վարչապետ Կարեն Կարապետյանը նշեց, որ հաշվետվությունը, թափանցիկ կառավարումը չափազանց կարևոր գործընթաց է: «Մենք այդ ուղղությամբ ենք գնալու»,- ընդգծեց կառավարության ղեկավարը:
Բաժանորդագրվեք մեր ալիքին Telegram-ում