ԱԺ-ն երկրորդ ընթերցմամբ ընդունեց Սևանա լճից լրացուցիչ ջրառ իրականացնելու օրենքը
10:44, 6 Հուլիս 2017
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: Ազգային ժողովը երկրորդ ընթերցմամբ և ամբողջությամբ ընդունեց Սևանա լճից 100 միլիոն խորանարդ մետր լրացուցիչ ջուր բաց թողնելու մասին օրենքը:
Ինչպես հաղորդում է «Արմենպրես»-ը, «Սևանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» Հայաստանի Հանրապետության օրենքում լրացումներ կատարելու մասին օրենքի նախագծին երկրորդ ընթերցմամբ կողմ քվեարկեց 77, դեմ՝ 4 պատգամավոր:
Ծրագիրը նպատակաուղղված է 2017 թվականին Սևան-Հրազդան էներգետիկ-իռիգացիոն համակարգից սնվող ոռոգման համակարգերի ենթակայությամբ գտնվող հողատարածքների ոռոգումն իրականացնելու նպատակով անհրաժեշտ ջրաքանակ ապահովելուն:
Բաժանորդագրվեք մեր ալիքին Telegram-ում