Ամերիկուհուն վախեցրել Է հանկարծակի ավտոտնակում հայտնված արջը
15:18, 30 Հունիս 2017
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Կոլորադոյի բնակչուհի Դենիել Բեքսթրոմը պատրաստվում Էր իր մեքենայով դուրս գալ ատվոտնակից, երբ հայտնաբերել Է, որ արջ Է սողոսկել շինություն: Կինը տեսագրել Է կենդանուն, տեղեկացնում Է «Արմենպրես»-ը: «Գրողի տարած ա՛րջ, չքվիր այստեղից: Թու՜հ, այս արջին տես, թու՜հ»,- գոռում Է նա գազանի վրա եւ փորձում դրան քշել կլաքսոնով: Փոքր-ինչ ուշ նրան հաջողվում Է փակել ավտոտնակի դուռը եւ արջին թողնել դրսում:
Բեքսթրոմն արջի մասին նախազգուշացրել Է վայրի կենդանիներ որսացող մասնագետներին: Պարզվել Է, որ նույն այդ արջը պաղպաղակ Է գողացել տեղացի բնակիչներից մեկի սառնարանից:
Կոլորադոյի բնայգիները եւ վայրի բնությունը տնօրինող կազմակերպությունը The Gazette-ին հայտարարել Է, որ այդ գիշատիչը չի վախենում մարդկանցից, ուստի վտանգավոր Է նրանց համար եւ պետք Է բռնվի եւ սպանվի:
Արջին բռնելու համար Դենիելի տան մոտ լարել են թակարդ՝ փքաբլիթներով, պաղպաղակով, օշարակով եւ շան կերով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում