Քաղաքապետը ողջունեց ու շնորհավորեց բոլորին Բաչկովի հաղթանակի կապակցությամբ, միաժամանակ ընդգծելով, որ սա նրա քրտնաջան աշխատանքի արդյունքն է, որի համար առաջիկայում կլինի նաև պարգևատրություն: «Ես շատ ուրախ եմ, որ կրկին մեր քաղաք ոսկե մեդալ բերեցիր: Հույս ունեմ, որ աշխարհի առաջնության ժամանակ էլ նույնը կկրկնես»,-նշեց Սամվել Բալասանյանը, ով նաև Շիրակի մարզի բռնցքամարտի ֆեդերացիայի նախագահն է: Որպես շնորհակալություն քաղաքապետն իր հավաքածուից մարզիկին Աստվածաշունչ նվիրեց:

Հովհաննես Բաչկովն իր հերթին շնորհակալություն հայտնեց բոլորին՝ իր կողքին կանգնելու, հաղթանակը իր հետ կիսելու համար: Գյումրին այս մարզաձևում նման հաջողություն ունեցել էր 30 տարի առաջ ի շնորհիվ Մեխակ Ղազարյանի, ով ներկա պահին ղեկավարում է Գյումրու քաղաքապետարանի սպորտի բաժինը:

Արմենուհի Մխոյան