1000х90.jpg (78 KB)

Երևանում՝ 11:07,   28 Մարտ 2024

Աշխատանքային այցով Շիրակի մարզում էր ՀՀ գյուղատնտեսության նախարար Իգնատի Առաքելյանը

Աշխատանքային այցով Շիրակի մարզում էր ՀՀ գյուղատնտեսության նախարար Իգնատի 
Առաքելյանը
ԳՅՈՒՄՐԻ, 28 ՀՈՒՆԻՍԻ, ԱՐՄԵՆՊՐԵՍ:Աշխատանքային այցով հունիսի 28-ին Շիրակի մարզում էր ՀՀ գյուղատնտեսության նախարար Իգնատի Առաքելյանը: Այցի շրջանակներում, Շիրակի մարզպետ Արթուր Խաչատրյանի մասնակցությամբ, մարզպետարանում տեղի ունեցավ հանդիպում մարզպետարանի պատասխանատուների, համայնքապետերի, ոլորտի ներկայացուցիչների հետ: Գյուղատնտեսության նախարար Իգնատի Առաքելյանը անդրադարձավ գյուղատնտեսության բնագավառում տեղեկատվության թվայնացմանը, ընդգծելով, որ տվյալների թվային միասնական բազայի ստեղծումը կարևոր հանգամանք է, ինչը կնպաստի գյուղատնտեսության բնագավառի զարգացմանը: Նախարարն անդրադարձավ նաև գյուղատնտեսության ապահովագրման խնդրին: «Ապահովագրական համակարգի ներդրումը ոլորտի առաջնային խնդիրներից մեկն է և անհրաժեշտ է, որ գյուղացին ստանա փոխհատուցում կրած վնասի համար: Այս պարագայում, ապահովագրական ընկերությունները պետք է կարողանան նորմալ գործունեություն ծավալել»,-նշեց նախարարը:

Ինչպես տեղեկացնում է «Արմենպրես»-ը, հանդիպման ընթացքում քննարկվեցին նաև գյուղատնտեսական վարկերի, դրանց տոկոսադրույքների իջեցման, գյուղտեխնիկայի ձեռքբերման, սերմացուների, բերքի մթերման ու այլ հիմնախնդիրների վերաբերյալ խնդիրներ:

Հանդիպման ավարտին գյուղատնտեսության նախարարը համայնքապետերին ու ֆերմերներին ներկայացրեց նոր ներդրումային ծրագիր, որի մանրամասներ Իգնատի Առաքելյանը խոստացել է ներկայացնել առաջիկա օրերին, մինչ այդ ներդրողն անձամբ ներկայացրել է որոշակի մանրամասներ:

Արմենուհի Մխոյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]