Հուսեյն Բոլտը կարիերան կավարտի աշխարհի առաջնությունից հետո
18:33, 27 Հունիս 2017
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Ճամայկացի արագավազորդ Հուսեյն Բոլտը կավարտի մարզական կարիերան աշխարհի առաջնությունից հետո:
«Արմենպրես»-ի հաղորդմամբ` այս մասին գրում է TASS-ը: «Ես արել եմ այն, ինչ պլանավորում էի: Ինձ մոտ եղել են թե վերելքներ, և թե անկումներ: Ես վայելել եմ իմ հրաշալի կարիերայի ընթացքը: Սակայն ամեն բան մի օր ավարտվում է»,-հայտարարել է Օլիմպիական խաղերի բազմակի չեմպիոնը:
Աթլետիկայի աշխարհի առաջնությունը կկայանա օգոստոսի 5-13-ը Լոնդոնում:
Արագավազորդ Հուսեյն Բոլտն Օլիմպիական խաղերի 8-ակի, աշխարհի առաջնության 11-ակի չեմպիոն է: Աշխարհի բազմակի ռեկորդների հեղինակ:
Բաժանորդագրվեք մեր ալիքին Telegram-ում