Բոստոնի օդանավակայանում ինըկիլոգրամանոց կենդանի օմար են հանձնել ուղեբեռ
14:55, 27 Հունիս 2017
ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի Բոստոն քաղաքի (Մասաչուսեթսի նահանգ) Լոգանի միջազգային օդանավակայանում ուղեւորներից մեկն ուղեբեռ Է հանձնել շուրջ 9 կիլոգրամ քաշով կենդանի օմար: Այս մասին հունիսի 26-ին հայտնել Է The New York Times թերթի Էլեկտրոնային տարբերակը, տեղեկացնում Է «Արմենպրես»-ը: Օմարը տեղափոխում Էին սառեցմամբ հատուկ կոնտեյներում: Մաքսային հսկողության աշխատողներն այն նկատել են ուղեբեռը ռենտգենյան սքաներով ստուգելիս:
Օդանավակայանի անվտանգության ծառայության պաշտոնական ներկայացուցիչ Մայքլ Մակքարթին լուսանկարվել Է օմարի հետ: Twitter-ում հրապարակված լուսանկարում երեւում Է, որ կենդանին մեկ մետրից ավելի երկարություն ունի: «Ես այս չափի այլ օմար չեմ հիշում»,- նշել Է ծառայության ներկայացուցիչը: Թե ով եւ ուր Էր տանում օմարն, առայժմ չի նշվում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում