Չինաստանում տասնյակ մարդիկ են զոհվել հորդառատ անձրեւների հետեւանքով
18:23, 26 Հունիս 2017
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Չինաստանի կենտրոնական եւ արեւելյան նահանգներում շարունակվող տեղատարափ անձրեւների հետեւանքով զոհվել Է 28 մարդ, եւս 16-ը համարվում են անհայտ կորածներ: Այդ մասին, ինչպես տեղեկացնում Է «Արմենպրես»-ը, հայտնել Է «Սինհուա» գործակալությունը՝ վկայակոչելով ՉԺՀ-ի քաղաքացիական վարչակազմի նախարարությանը:
Իշխանությունների տվյալներով՝ հունիսի 22-ից տեղումները չեն դադարում Չժեցզյանի, Անհոյի, Ցզյանսիի, Հուբեյի, Հունանի, Սիչուանի, Հույչժոուի, Յուննյանի նահանգներում եւ կենտրոնական ենթակայության Չունցին քաղաքում: Մի շարք շրջաններում տեղի են ունեցել հեղեղումներ եւ սողանքներ, ավերվել Է ավելի քան 6,5 հազար տուն, եւս 60 հազար շենք վնասվել Է:
Տարերքից տուժել Է ավելի քան 7,3 մլն մարդ: Ավելի քան 504 հազար մարդ տարհանվել են անվտանգ վայրեր, տարերքից տուժած նահանգների 186 հազար բնակիչներ արտակարգ օգնության կարիք ունեն:
Նյութական վնասը գնահատվում Է 9,4 մլրդ յուան (1,3 մլրդ դոլար), հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում