ՌԴ ԱԴԾ Արտաշատի սահմանապահ ջոկատը նշում է կազմավորման տարեդարձը
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Հայաստանի Հանրապետությունում Ռուսաստանի Անվտանգության դաշնային ծառայության Սահմանապահ վարչության Արտաշատի սահմանապահ ջոկատը հունիսի 25-ին նշում է կազմավորման տարեդարձը։ Այս մասին «Արմենպրես»-ին տեղեկացրին Հայաստանի Հանրապետությունում Ռուսաստանի Անվտանգության դաշնային ծառայության Սահմանապահ վարչության մամուլի ծառայությունից՝ հավելելով. «36 տարիների ընթացքում Արտաշատի սահմանապահ ջոկատը պաշտպանել է Թուրքիայի հետ Խորհրդային Միության սահմանը։ խորհրդային Միության փլուզումից հետո սահմանապահ ջոկատի վրա դրվել է Հայաստանի Հանրապետության սահմաններում Անկախ պետությունների համագործակցության հարավային սահմանները պաշտպանելու խնդիրը»։
Հաղորդագրության մեջ նաև նշվում է, որ Արտաշատի սահմանապահ ջոկատի ծառայողները միշտ զգացել են Արարատի մարզի ղեկավարության և բնակչության հոգատարությունն ու ուշադրությունը։
2007 և 2008 թվականներին Արտաշատի սահմանապահ ջոկատին հանձնվել է «Լավագույն զորամաս» փոխանցիկ պատվադրոշը։
Բաժանորդագրվեք մեր ալիքին Telegram-ում