Գիտնականները հոգնածությունից ձերբազատվելու արդյունավետ միջոց են նշել
17:46, 23 Հունիս 2017
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: Լոնդոնի Մարիա թագուհու համալսարանի գիտնականները խրոնիկական հոգնածությունից ձերբազատվելու արդյունավետ միջոց են նշել: Համապատասխան ուսումնասիրությունը հրապարակված Է The Lancet հանդեսում, համառոտ դրա մասին հայտնել Է The Telegraph հրատարակությունը, տեղեկացնում Է «Արմենպրես»-ը:
Խրոնիկական հոգնածության սինդրոմը հաղթահարելուն կօգնեն չափավոր ինտենսիվությամբ ֆիզկուլտուրայի կանոնավոր պարապմունքները:
Հեղինակներն այս եզրակացությանն են եկել՝ 12 շաբաթվա ընթացքում դիտարկելով 200 մարդու առողջական վիճակը, որոնք, բացի դեղորայքային բուժումից (դեղամիջոցներ ընկճախտի եւ անքնության դեմ), զբաղվում Էին ֆիզկուլտուրայով: Հսկվող խմբի համեմատությամբ, որի մեջ մտնում Էր 100 մարդ, մոտավորապես 40 մասնակիցների վիճակը բարելավվել Է:
Խրոնիկական հոգնածության սինդրոմը կապված Է նյարդային համակարգի լարվածության հետ, որը չի անհետանում նույնիսկ երկարատեւ հանգստից հետո: Այն գլխավորապես տարածված Է զարգացած երկրներում, ախտահարում Է հազար մարդուց մոտավորապես յոթին:
Բաժանորդագրվեք մեր ալիքին Telegram-ում