«Աստղային պատերազմների» նոր Էպիզոդը կնկարահանի Ռոն Հովարդը
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: «Աստղային պատերազմներ» շարքից նոր Էպիզոդը նկարահանելու Է Ռոն Հովարդը: Այդ մասին, ինչպես տեղեկացնում Է «Արմենպրես»-ը, ասված Է Lucasfilm ընկերության՝ հունիսի 22-ին հրապարակված հայտարարության մեջ, ընկերություն, որը մտնում Է The Walt Disney Company կորպորացիայի մեջ: Կինոնկարը, որն առայժմ անվանում չունի, ինչպես սպասվում Է, կպատմի Հանա Սոլոյի կյանքի մասին: Նրա դերում հանդես Է եկել դերասան Հարիսոն Ֆորդը: Ժապավենի պրեմիերան նշանակված Է 2018 թվականի մայիսի 25-ին: Նկարահանումները, որոնք մեկնարկել են հունվարին, կվերսկսվեն հուլիսի 10-ին: «Lucasfilm-ն ուրախ Է հայտարարել, որ Կինոարվեստների ամերիկյան ակադեմիայի պարգեւներին արժանացած Ռոն Հովարդը նշանակվել Է Հանա Սոլոյի մասին առայժմ անանուն ֆիլմի ռեժիսոր»,-նշվում Է ընկերության հայտարարության մեջ:
Lucasfilm-ի ղեկավար Քեյթլին Քենեդին հայտարարել Է, որ հիմնական խնդիրը համարում Է՝ «սագայի ոգու փոխանցումը, որը 40 տարի առաջ սկսել Է Ջորջ Լուկասը»: Մենք ունենքհրաշալի սցենար, դերասանների ու մասնագետների անհավանական թիմ եւ լի ենք հիանալի ֆիլմ ստեղծելու վճռականությամբ»,-հավաստիացրել Է Քենեդին: Ավելի վաղ կինոնկարի վրա աշխատել են ռեժիսորներ Ֆիլ Լորդը եւ Քրիստոֆեր Միլլերը: Նրանց հեռանելու մասին հայտարարվել Է հունիսի 21-ին: Առիթ Է դարձել նրանց եւ Lucasfilm-ի միջեւ ստեղծագործական բնույթի տարաձայնությունների առկայությունը:
«Աստղային պատերազմներ» շարքի մեջ մտնում են ժողովրդականություն վայելող ֆանտաստիկ կինոֆիլմեր, գրքեր, անիմացիոն սերիալներ, կոմիքսներ եւ տեսախաղեր: Դրանց գործողությունը տեղի Է ունենում հորինված տիեզերքում, որը 1970-ական թվականներին ստեղծել Է ամերիկացի կինոռեժիսոր, սցենարիստ եւ պրոդյուսեր Ջորջ Լուկասը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում