Ռեստարտ ենք տալիս, մեր աշխատանքը կատարում ենք նվազագույնը շաբաթական վեցօրյա ռեժիմով. Կարեն Կարապետյան
ԵՐԵՎԱՆ, 23 ՀՈՒՆԻՍԻ, ԱՐՄԵՆՊՐԵՍ: ՀՀ վարչապետ Կարեն Կարապետյանը կառավարության հերթական նիստում անդրադարձավ Ազգային ժողովի կողմից ընդունված կառավարության հնգամյա ծրագրին: Նա հանրապետական գործադիր մարմինների ղեկավարներին հանձնարարեց մեկամսյա ժամկետում մշակել և կառավարության աշխատակազմ ներկայացնել կառավարության 2017-2022 թթ. ծրագրից բխող միջոցառումների շարք՝ հստակ սահմանելով պատասխանատուներին և կատարման ժամկետները:
Վարչապետը նաև հանձնարարեց երկշաբաթյա ժամկետում կատարել համապատասխան փոփոխություններ և լրացումներ կառավարության գործունեության միջոցառումների ծրագրում:
Կարեն Կարապետյանը հորդորեց առաջին կետով սահմանված պահանջը կատարելուն պես տեղեկատվություն տրամադրել հասարակությանը: «Ռեստարտ ենք տալիս, մեր աշխատանքը կատարում ենք նույն ռեժիմով՝ նվազագույնը շաբաթական վեցօրյա ռեժիմով»,- «Արմենպրես»-ի հաղորդմամբ, հավելեց նա:
Բաժանորդագրվեք մեր ալիքին Telegram-ում