Շեյխի համար վիթխարի Ford Mustang են պատրաստել Ram պիկապի հիմքի վրա
16:40, 22 Հունիս 2017
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Արաբ շեյխի համար կառուցել են աշխարհում ամենամեծ Ford Mustang-ը: Սպորտկարի թափքը տեղադրել են 2015 մոդելային տարվա Ram նմուշի շասիի վրա, որը հանդերձված Է 6,4-լիտրանոց ութգլանանոց շարժիչով, տեղեկացնում Է «Արմենպրես»-ը:
Նախագիծը պատրաստել Է դիզայներ Հուսեյն Ալբաղալին շեյխ Համադ բին Համդան ալ Նահյանի պատվերով: Լիաշարժաբեր ավտոմոբիլի կառուցումը, որը կատարված Է 1920-ական թվականների ավտոմեքենաների ոճաբանությամբ, տեւել Է յոթ ամիս: «Մուստանգի» համար երկարացրել են թափքը եւ պատրաստել նոր թափքային պանելներ: Ավտոմեքենան պատրաստված Է միակ օրինակով: Այդ ավտոմոբիլի մասին ավելի մանրամասն տեղեկատվություն չկա:
Բաժանորդագրվեք մեր ալիքին Telegram-ում