Ստեփանակերտի մշակույթի և երիտասարդության պալատի դահլիճը վերանորոգվում է
ՍՏԵՓԱՆԱԿԵՐՏ, 21 ՀՈՒՆԻՍԻ, ԱՐՄԵՆՊՐԵՍ-ԱՐՑԱԽՊՐԵՍ: Ստեփանակերտի մշակույթի և երիտասարդության պալատի դահլիճում, ընթացիկ տարվա հունիսից սկսվել են վերանորոգման-վերակառուցման աշխատանքները: Այս մասին հայտնել է ԱՀ քաղաքաշինության նախարարության գլխավոր մասնագետ Ազատ Համբարձումյանը:
«Առայժմ ընթանում են դահլիճի քանդման աշխատանքները: Դահլիճից հանվել են նստարանները, հին ջեռուցման համակարգերը: Նախագծի համաձայն՝ վերափոխվելու է բեմահարթակը, տեղադրվելու են նոր լուսաձայնային էֆեկտներ: Ծրագրով նախատեսված 400 տեղանոց դահլիճը համալրվելու է նոր, ժամանակակից նստելատեղերով, իսկ ջեռուցումը իրականացվելու է օդային ջեռուցիչ համակարգով»,- ասել է Ա. Համբարձումյանը և հավելել, որ աշխատանքները նախատեսվում է ավարտել ընթացիկ տարվա սեպտեմբերին:
Շինաշխատանքներն իրականացվում են պետական միջոցներով, «Շինվեր պլյուս» ՍՊԸ շինկազմակերպության կողմից:
Բաժանորդագրվեք մեր ալիքին Telegram-ում