Երաժշտության միջազգային օրվա շրջանակներում Երևանում մի շարք միջոցառումներ կանվկացվեն
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: ՀՀ մշակույթի նախարարության աջակցությամբ “Music of Armenia” կազմակերպությունը հունիսի 21-ին, Երաժշտության միջազգային օրվա կապակցությամբ, իրականացնում է մի շարք միջոցառումներ:
Տոնելով երաժշտության գեղեցկությունն ու անսահման ուժը, միջոցառումը նպատակ ունի նոր շունչ բերելու հայկական երաժշտարվեստի հարուստ ժառանգությանը՝ բացահայտելով և հանրահռչակելով հայ երաժիշտների ստեղծած երաժշտությունը:
Ինչպես «Արմենպրես»-ին տեղեկացրին ՀՀ մշակույթի նախարարությունից, հունիսի 21-ին, «Մետաքսի ճանապարհ» հյուրանոցում տեղի է ունեցել հայ ավանդական գործիքների վարպետության դասը, որն անցկացրել է ճանաչված երաժիշտ Հովիկ Սահակյանը, ավելի ուշ ելույթ է ունեցել «Օշական» համույթը: Եզրափակիչ համերգը կկայանա The Loft-ում, ժ. 20:00-ին, որտեղ ելույթ կունենա «The Windrose» երաժշտախումբը:
Երաժշտության միջազգային օրն առաջին անգամ նշվել է Ֆրանսիայում 1982 թ. Ֆրանսիայի մշակույթի նախարար Ժակ Լանգի նախաձեռնությամբ: Այդ ժամանակից ի վեր այս տոնը դուրս եկավ Ֆրանսիայի սահմաններից դուրս և դարձավ համաշխարհային տոն: Այն նշվում է աշխարհի 110 երկրներում, այդ թվում նաև Բելգիայում, Գերմանիայում, Հունաստանում, Մեծ Բրիտանիայում, Իտալիայում, Շվեյցարիայում, Չիլիում, Եգիպտոսում, և այլն:
Բաժանորդագրվեք մեր ալիքին Telegram-ում