ԱՄՆ-ում հանրապետականները երկու մանդատով ավելացրել են մեծամասնությունը Կոնգրեսի ստորին պալատում
10:08, 21 Հունիս 2017
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի Հանրապետական կուսակցությունը երկու մանդատով ավելացրել Է մեծամասնությունը ԱՄՆ-ի Կոնգրեսի Ներկայացուցիչների պալատում, որոնց թիվը հասել Է 241-ի: Ինչպես տեղեկացնում Է «Արմենպրես»-ը, այս արդյունքով են ավարտվել հունիսի 20-ին Ջորջիայի եւ Հարավային Կարոլինայի նահանգներում կայացած արտահերթ ընտրությունները:
Կամարտահայտման արդյունքներն ամեն դեպքում չեն կարող փոխել ուժերի դասավորությունն ԱՄՆ-ի Կոնգրեսի ստորին պալատում, որտեղ, ինչպես եւ Սենատում, հանրապետականներն ունեն տեղերի մեծամասնությունը: Մինչեւ արտահերթ ընտրությունները կառավարող կուսակցությունը Ներկայացուցիչների պալատում ուներ 239 տեղ, դեմոկրատները՝ 194, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում