«Հայաստան-սփյուռք» 6-րդ համահայկական համաժողովը տեղի կունենա սեպտեմբերին
19:30, 20 Հունիս 2017
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: ՀՀ վարչապետ Կարեն Կարապետյանը «Հայաստան-սփյուռք» 6-րդ համահայկական համաժողովը 2017 թվականի սեպտեմբերի 18-20-ը Երևանում անցկացնելու մասին որոշում է ստորագրել: Այդ մասին «Արմենպրես»-ին տեղեկացրին ՀՀ կառավարությունից:
Վարչապետը հանձնարարել է ՀՀ սփյուռքի նախարարին` ապահովել պատշաճ մակարդակով համաժողովի կազմակերպչական աշխատանքները, նախապատրաստել համաժողովի ծրագիրը և դրանով նախատեսված միջոցառումների իրականացումը: Համաժողովի անցկացման հետ կապված վարչապետը տարբեր գերատեսչությունների ղեկավարներին տվել է մի շարք այլ հանձնարարականներ:
Բաժանորդագրվեք մեր ալիքին Telegram-ում