«Մենք ձգտելու ենք հասնել հնարավոր առավելագույն փոխըմբռնման, թեեւ դա դյուրին չի լինելու ԱՄՆ-ի մոտեցումների պատճառով»,-ասել Է նա, պարզաբանելով, որ նկատի ունի տարաձայնությունները առեւտրի ազատության հարցերի շուրջ: «Բայց մենք պետք Է ջանքեր գործադրենք փոխըմբռնման հասնելու համար»,-հավելել Է Գերմանիայի նախարարների կաբինետի ղեկավարը:

Մերկելի խոսքով՝ Գերմանիայի կառավարությունը շահագրգռված Է ԱՄՆ-ի հետ անդրատլանտյան առեւտրաներդրումային համագործակցության շուրջ բանակցությունների վերսկսմամբ: «Ես հանդես եմ գալու հօգուտ այն բանի, որ անդրատլանտյան տնտեսական գործընկերության այդ նախագիծը չսառեցվի, որպեսզի մենք այսուհետեւ Էլ ընթանանք այդ ճանապարհով»,-ասել Է նա: Ընդ որում՝ նախարարների կաբինետի ղեկավարը հիշեցրել Է, որ ԱՄՆ-ին եւ Գերմանիային բաժին Է ընկնում համաշխարհային առեւտրի մոտավորապես 30 տոկոսը:

ԳՖՀ-ի կանցլերը Եվրամիությունից Մեծ Բրիտանիայի դուրս գալու շուրջ Լոնդոնի հետ բանակցություններում գլխավոր ռիսկը համարում Է ԵՄ-ի շահերի անբավարար հաշվառումը: «Գլխավոր վտանգն այն Է, որ մենք բավարար չափով հոգ չենք տանի սեփական շահերի, սեփական ապագայի մասին»,-նշել Է նա: Մերկելն ընդգծել Է, որ «ԵՄ-ի չորս հիմնական ազատությունները չպետք Է խաղասեղանի վրա դրվեն բանակցությունների ընթացքում», հաղորդել Է ՏԱՍՍ-ը: