1000х90.jpg (78 KB)

Երևանում՝ 11:07,   29 Մարտ 2024

Բելգիան համաշխարհային խորհրդաժողով կանցկացնի միգրանտների ընդունման խնդրի շուրջ

Բելգիան համաշխարհային խորհրդաժողով կանցկացնի միգրանտների ընդունման խնդրի շուրջ
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Բելգիայի կառավարությունը եւ Մեհելեն ֆլամանդական քաղաքը նոյեմբերի 16-17-ին կանցկացնեն քաղաքներին եւ ներգաղթյալներին նվիրված համաշխարհային խորհրդաժողով: Այդ մասին, ինչպես տեղեկացնում Է «Արմենպրես»-ը, հունիսի 19-ին հայտնել Է Բելգայի ԱԳ նախարարությունը:

Խորհրդաժողովը կանցկացվի Միգրացիայի միջազգային կազմակերպության, ՄԱԿ-ի բնակավայրերի ծրագրի եւ «Միավորված քաղաքներ ու տեղական իշխանություններ» համաշխարհային կազմակերպության հետ համագործակցությամբ: Բելգիայի արտաքին գործերի նախարարության հաղորդագրության մեջ նշվում Է, որ հանդիպման կազմակերպիչները մտադիր են ընդգծել «կանոնակարգված, անվտանգ, օրինական եւ պատասխանատու միգրացիայի» կարեւորությունը:

«Խորհրդաժողովը տեղի կունենա այն ժամանակ, երբ ամբողջ աշխարհում ավելի քան 250 մլն միգրանտ կա: Սպասվում Է, որ այդ թիվը կշարունակի աճել: Եթե մենք ցանկանում ենք, որ իրադարձությունների այդ ընթացքը նպաստի մարդկության զարգացմանը, ապա մենք հետեւողական եւ ինկլյուզիվ մոտեցումների կարիք ունենք»,-Բելգիայի ԱԳ նախարարության հաղորդագրությունում մեջբերված Է երկրի փոխվարչապետ եւ հանուն զարգացման համագործակցության նախարար Ալեքսանդր դե Կրոոյի խոսքը, հաղորդել Է «Ինտերֆաքս»-ը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]