Ժամանակը Երևանում՝ 11:07:36,   24 Հունիս

Հայաստանում երեք ամսում 3000 աշխատատեղ է ստեղծվել


ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Հայաստանում երեք ամսում արդեն 3000 աշխատատեղ է ստեղծվել: Այս մասին «Արմենպրես»-ի հետ զրույցում ասաց ՀՀ տնտեսական զարգացման և ներդրումների նախարար Սուրեն Կարայանը: Նրա խոսքով` այդ տվյալները պարզ են դարձել վերջին մոնիթորինգի արդյունքում, որն անցկացվել է երկու ամիս առաջ:

Անդրադառնալով այն հարցին, թե ինչպիսին է թեթև արդյունաբերության ոլորտում ձեռնարկություններին արտոնություններ շնորհելու՝ ՀՀ վարչապետի տված հանձնարարականի կատարման ընթացքը, նախարարը պատասխանեց, որ ներկայումս իրենք քննարկումներ են իրականացնում դրա շուրջ:

«Քննարկումներ ենք իրականացնում, որ թեթև արդյունաբերության որոշակի ճյուղերին, կլինի տեքստիլ, կաշեգործություն, կոշկագործություն և այլն, հնարավոր արտոնություններ տրամադրելու միջոցով ավելի շատ ներդրումներ կատարվեն, և նոր աշխատատեղեր ստեղծվեն: Ներկայումս այդ ուղղությամբ քննարկումներ ենք իրականացնում, հստակության դեպքում կասենք»,- նշեց Սուրեն Կարայանը:



Լրահոս

Բոլոր նորությունները    


Amazon keyword tool



Яндекс.Метрика
Էջի կարգավորումներ