Ժամանակը Երևանում՝ 11:07:36,   20 Սեպտեմբեր

Մանկական բեսթսելեր 4/17. «Հարի Փոթերը և փիլիսոփայական քարը» ամենավաճառվածն է


ԵՐԵՎԱՆ, 7 ՀՈՒՆԻՍԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծը ներկայացնում է մեկ ամսվա ընթացքում ամենից շատ վաճառված մանկական գրքերի ցանկը:

Վարկանիշային աղյուսակի առաջին հորիզոնականում Ջ. Ռոուլինգի «Հարի Փոթերը և փիլիսոփայական քարը» գիրքն է: Առաջին անգամ այն լույս է տեսել 20 տարի առաջ: Վեպի հիման վրա 2001 թվականին նկարահանվել է համանուն ֆիլմը, որը մեծ աղմուկ է բարձրացրել ու արժանացել  և՛ փոքրիկների, և՛ մեծահասակների ուշադրությանը:

Մեկ հորիզոնականով իր դիրքերը բարելավել և երկրորդ տեղն է զբաղեցրել Ջ. Ռոուլինգի «Հարի Փոթերը և գաղտնիքների սենյակը» ստեղծագործությունը: Ամառային արձակուրդներն ավարտվում են, և Հարի Փոթերը կրկին վերադառնում է Հոգվարդի վհուկության և կախարդության դպրոց: Դղյակի պատերին հայտնվող սպառնալից գրությունները զգուշացնում են, որ գաղտնիքների սենյակը կրկին բացվել է:

Իր դիրքերն անհամեմատ բարելավել և երրորդ տեղն է զբաղեցրել Հովհաննես Թումանյանի «Հեքիաթներ» գրքը: Թումանյանի ստեղծագործությունները, մասնավորապես հեքիաթները, որոնք թարգմանվել են աշխարհի տարբեր լեզուներով, մշտապես հետաքրքրել են ընթերցողներին: Դրանք միշտ պահանջված են բոլոր սերունդների կողմից, հաճույքով են ընթերցում նաև մեծահասակները: Հեքիաթների հիմքում ընկած են ժողովրդական թեմաներն ու պատումները:

Առաջնից չորրորդ հորիզոնական է իջել «Արև, արև, եկ, եկ»  մանկական բանաստեղծությունների ժողովածուն, որում զետեղված են տարբեր սերնդի հայ մանկագիրների ստեղծագործություններ:

Քնելուց առաջ հեքիաթներ լսել սիրում են բոլոր փոքրիկները: Հինգերորդ տեղում «Հեքիաթներ քնելուց առաջ» ժողովածուն է, որը ներառում է պարտադիր ընթերցելու յուրահատուկ հեքիաթներ:

Վեցերորդ հորիզոնականում «Երեք պատմվածք Շերլոք Հոլմսի արկածներից» գիրքն է: Գրքում ներկայացված են Արթուր Կոնան Դոյլի՝ շատերի կողմից սիրված հերոս Շերլոկ Հոլմսի զանազան արկածները:

«100 դասական հեքիաթներ» ժողովածուն զիջել է իր դիրքերը և յոթերորդն է; Գրքում տեղ են գտել սիրված դասական գրողների հեքիաթները, մեզ հասած առասպելներն ու հայտնի հեքիաթային հերոսները, որոնք կյանքը գրավիչ են դարձնում 4-9 տարեկան երեխաների համար: Ժողովածուն ընդգրկում է այնպիսի սիրված հեքիաթներ, ինչպիսիք են «Թագավորի նոր հագուստը», «Մոխրոտը» և «Ջրահարսը»: Յուրաքանչյուր հեքիաթ պատկերազարդված է գունագեղ նկարներով:

Մանկական բեսթսելերի ութերորդ հորիզոնականում  Հանս Քրիստիան Անդերսենի «Հեքիաթներ»-ն են, որոնք քաջ հայտնի են բոլոր փոքրիկներին ոչ միայն գրքի, այլև մուլտֆիլմերի ու գեղարվեստական լիամետրաժ ֆիլմերի տեսքով, քանի որ դրանց զգալի մասն էկրանավորվել է:

Իններորդ տեղում «Հայ ժողովրդական հեքիաթներ»-ն են: Գրքում ներկայացված են հեքիաթներ, որոնք չափազանց հետաքրքիր են, դաստիարակչական:

Վարկանիշային աղյուսակը եզրափակում է «Լինում է, չի լինում» հեքիաթների պատկերազարդ ժողովածուն: Հանս Քրիստիան Անդերսենի, Գրիմ եղբայրների, Շառլ Պերոյի, Գաբրիել դը Վիլնյովի հեքիաթների հերոսները փոքրիկների ամենասիրածներն են: Այս հեքիաթների նոր նկարազարդումներն էլ ավելի հետաքրքիր են դարձնում ընթերցումը:

Վարկանիշային ցուցակի կազմման հարցումներին մասնակցել են «Բուկինիստ» գրախանութը (53-74-13), «Զանգակ» (23-26-49) և Էդիթ Պրինտ (52-08-48) հրատարակչությունները: Հարցման ժամանակ հաշվի չեն առնվել դասագրքերը:

Տեղ Գիրք Հրատ. Քանակ
1

Ջ. Ռոուլինգ

«Հարի Փոթերը և Փիլիսոփայական քարը»

Զանգակ 56
2

Ջ. Ռոուլինգ

«Հարի Փոթերը և Գաղտնիքների սենյակը»

Զանգակ 43
3

Հովհաննես Թումանյան

«Հեքիաթներ»

Արևիկ 36
4 «Արև, արև, եկ, եկ» Էդիթ Պրինտ 32
5 «Հեքիաթներ քնելուց առաջ» Բուկինիստ 29
6 «Երեք պատմվածք Շերլոք Հոլմսի արկածներից» Անդրանիկ 28
7 «100 դասական հեքիաթներ» Զանգակ 24
8

Հանս Քրիստիան Անդերսեն

«Հեքիաթներ»

Արևիկ 23
9 «Հայ ժողովրդական հեքիաթներ» Հաշ ընդ Հաշ 22
10

«Լինում է չի լինում»

պատկերազարդ հեքիաթներ

Զանգակ 19
«Մանկական բեսթսելերը» ներկայացրեց Անժելա Համբարձումյանը


Այս թեմայով

... վերջին լուր "Մանկական բեսթսելլեր" թեմայով
Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ