Թրամփը վերստին հանդես Է եկել ԱՄՆ-ի ներգաղթի քաղաքականության խստացման օգտին
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի նախագահ Դոնալդ Թրամփը վերստին հանդես Է եկել ներգաղթի վերաբերյալ իր հրամանագրերի պաշտպանությամբ, որոնք սահմանափակում են մի շարք մուսուլմանական պետություններից քաղաքացիների մուտքը երկիր, տեղեկացնում Է «Արմենպրես»-ը:
«Մարդիկ, իրավաբանները եւ դատարանները կարող են դա անվանել ինչպես կամենան, բայց ես կարծում եմ, որ մեզ անհրաժեշտ Է մուտքի արգելքը: Արդարադատության նախարարությունը պետք Է կանգ առնի իմ հրամանագրի սկզբնական տարբերակի վրա, այլ ոչ թե այն մեղմացված, քաղաքականապես կոռեկտ տարբերակի վրա, որը նրանք ուղարկել են Գերագույն դատարան»,- գրել Է Սպիտակ տան ղեկավարը Twitter-ի իր Էջում՝ հավելելով, որ արդարադատության նախարարությունը պետք Է արագացնի այս հարցի քննարկումը: Նախագահը նաեւ գանգատվել Է, որ դատարաններն այս հարցում «դանդաղ են աշխատում եւ ըստ որում քաղաքականացված են»:
Ավելի վաղ ֆեդերալ դատարաններն արդեն երկու անգամ վճիռներ են կայացրել Թրամփի՝ ներգաղթի ոլորտում միջոցների խստացման հրամանագրերի արգելափակման մասին: Հրամանագրի վերաբերյալ, որն ԱՄՆ մուտքի 90-օրյա արգելք Է սահմանում յոթ մահմեդական երկրներից (Իրանից, Իրաքից, Լիբիայից, Սոմալիից, Սուդանից, Սիրիայից եւ Եմենից) քաղաքացիների համար, նման վճիռ Է կայացրել Սիեթլի (Վաշինգտոնի նահանգ) ֆեդերալ դատարանը: Ավելի ուշ հրամանագրի խմբագրված տարբերակն արգելափակել Է Հոնոլուլուի (Հավայիի նահանգ) ֆեդերալ դատարանը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում