1000х90.jpg (78 KB)

Երևանում՝ 11:07,   28 Մարտ 2024

Շառլ Ազնավուրի մշակութային ժառանգությունը կներկայացվի Երևանում գտնվող նրա տուն-թանգարանում

Շառլ Ազնավուրի մշակութային ժառանգությունը կներկայացվի Երևանում գտնվող նրա 
տուն-թանգարանում

ԵՐԵՎԱՆ 1 ՀՈՒՆԻՍԻ, ԱՐՄԵՆՊՐԵՍ: Աշխարհահռչակ շանսոնյե Շառլ Ազնավուրի կյանքի հայտնի և անհայտ դրվագները, մշակութային ժառանգությունը կներկայացվեն Երևանում գտնվող նրա տուն-թանգարանում: «Ազնավուր» հիմնադրամի տնօրեն Քրիստինե Սարգսյանը լրագրողների հետ զրույցում նշեց, որ այն լինելու է աշխարհի առաջին թանգարանը, որտեղ հերոսն իր կյանքի մասին պատմելու է անձամբ: Տեքստերն ու աուդիոձայնագրությունները հենց Շառլ Ազնավուրինն են:

«Լինելով թանգարանում` դուք կարող եք իր ներկայացմամբ լսել իր անցած ուղու պատմությունը, ծանոթանալ տեսանյութերին: Այն լինելու է առաջին մուլտիմեդիոն ինտերակտիվ թանգարանը: Այստեղ կանցկացվեն նաև այլ մշակութային միջոցառումներ: Այն չի լինելու դասական թանգարան, ինչպես շատերը պատկերացնում են: Այստեղ լինելու է ամբողջական ձայնագրման ստուդիա: Մենք ինտերակտիվ ձևով ներկայացնելու ենք նրա կյանքի հիմանական դրվագները, մասնավորապես, նրա արտապատկերված բնակարանը»,-ասաց Քրիստինե Սարգսյանը:

Անիմացիայով ներկայացվելու է նրա ընտանիքի անցած ուղին, թե ինչպես են նրանք Կ. Պոլսից փախել, ինչպես են հասել նախ Սալոնիկ, ապա Մարսել, այնուհետև՝ Փարիզ: Թանգարանի սենյակներից մեկում պատկերները լինելու են խորհրդանշական ավազով, որովհետև շատ ընտանիքներ Կ. Պոլսից փախչելիս մահացել են Դեր- Զորի անապատում: Ցուցադրվելու են այն արխիվային բնօրինակ փաստաթղթերը, որոնցով Ազնավուրների ընտանիքը ապաստան էր հայցել:

Թանգարանի այցելուներին հնարավորություն կտրվի լինել ետնաբեմում, տեսնել այն  իրերը, որոնք մաեստրոյին անհրաժեշտ են մինչ բեմ բարձրանալը, և արդեն վերջում այցելուները կարող են տեսնել նրա համերգը՝ 3D ձևաչափով:

«Այստեղ կներկայացվեն մաեստրոյի անձնական իրերը, մասնավորապես, նրա առաջին դաշնամուրը, ոսկե ձայնսկավառակները: Ներկայացված են լինելու նրա կյանքի բազմաթիվ ասպեկտներ, որոնց մասին հանրությունը տեղյակ չէ: Երաժշտության ոլորտում գործելուց բացի, հանդես է եկել նաև դերասանական ոլորտում` աշխատելով աշխարհահռչակ ռեժիսորների հետ: Նա նկարահանվել է ավելի քան 80 ֆիլմում»,-ասաց Քրիստինե Սարգսյանը: 

Նա նշեց, որ այս թանգարանի նպատակն է ցույց տալ Շառլ Ազնավուրի կյանքը, մի մարդու, ով կարևոր նշանակություն ունի աշխարհի բոլոր հայերի համար: Պատասխանելով այն հարցին, թե ինչու որոշում կայացվեց թանգարանը կառուցել հենց Հայաստանում, Քրիստինե Սարգսյանը նշեց, որ Շառլ Ազնավուրն ամբողջ կյանքի ընթացքում ապացուցեց հավատարմությունն իր արմատներին, իր ազգին:

Թանգարանի բացումը նախատեսված է 2018 թվականին: Քրիստինե Սարգսյանը նշեց, որ այսօր հստակ օր նշելը դժվար է, որովհետև նախանշված տեխնոլոգիաների համար սարքավորումները պետք է բերվեն Ճապոնիայից, Գերմանիայից և այլ երկրներից: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]