Ժամանակը Երևանում՝ 11:07:36,   22 Ապրիլ

Ֆրանսիայի դեսպանը համոզված է, որ ԵՄ-Հայաստան համաձայնագիրը կստորագրվի


ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ: Հայաստանում Ֆրանսիայի դեսպան Ժան-Ֆրանսուա Շարպանտիեն կասկած չունի, որ Եվրամիություն-Հայաստան համաձայնագիրը կստորագրվի:

«Համաձայնագիրը բավականին հստակ եւ երկար բանակցային գործընթացի արդյունք է: Այն բավականին ընդգրկուն է, եւ ես հույս ունեմ, որ նոյեմբերին Բրյուսելում կայանալիք Արեւելյան գործընկերության գագաթնաժողովի ժամանակ այն կստորագրվի: Համաձայնագիրը, նախեւառաջ, կարեւոր դերակատարություն ունի տարածաշրջանում քաղաքական հավասարակշռության հաստատման հարցում»,-«Արմենպրես»-ի հաղորդմամբ, լրագրողների հետ զրույցում ասաց Ժան-Ֆրանսուա Շարպանտիեն՝ ընդգծելով, որ Ֆրանսիան մշտապես հանդես է եկել որպես Հայաստան-ԵՄ բանակցությունների ջատագով:

Անդրադառնալով ապրիլի 2-ին Հայաստանում կայացած խորհրդարանական ընտրություններին՝ դեսպանն ասաց, որ դրանք ավելի խաղաղ ու հանդարտ պայմաններում ընթացան։

«Ընդդիմությունը չվիճարկեց Հայաստանում տեղի ունեցած ընտրությունների արդյունքները, թերությունների մասին՝ ընտրակաշառք, ճնշում ընտրողների վրա և այլն, նշվեց զեկույցներում, և դրանք չանտեսվեցին միջազգային կառույցների կողմից: Ցավում եմ, որ ընտրակաշառքի բաժանման դեպքեր գրանցվեցին:  Պետք է ապագայի մասին մտածել: Այն մարդը, ով վերցնում է ընտրակաշառք, չունի քաղաքական հստակ կողմնորոշում ու պատկերացում, իսկ քվե գնողն էլ պատկերացում չունի իր ապագա կարգավիճակի մասին», -եզրափակեց նա:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ