Երևան-Դիլիջան ճանապարհին վթարի հետևանքով կան տուժածներ
21:25, 29 Մայիս 2017
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարություն մայիսի 29-ին՝ ժամը 17:11-ին ահազանգ է ստացվել, որ Երևան-Դիլիջան ավտոճանապարհին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, դեպքի վայր է մեկնել մեկ մարտական հաշվարկ: Մինչ հրշեջ փրկարարների՝ կանչի վայր հասնելը ուղևորներ՝ 1990 թ. ծնված Ն., 1967 թ. ծնված Հ. և 1935 թ. ծնված Ա. Խ.-երը տարբեր աստիճանի մարմնական վնասվածքներով հոսպիտալացվել են Դիլիջանի ԲԿ, որտեղ բժիշկները նրանց առողջական վիճակը գնահատել են բավար: Փրկարարները հոսանքազրկել են ավտոմեքենան և փակել գազի բալոնի փականը:
Բաժանորդագրվեք մեր ալիքին Telegram-ում