Իսպանական UNOde50-ը ճպուռներ կկախի կանանց ականջներից
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Իսպանական UNOde50 մակնիշը ներկայացրել Է զարդերի հավաքածու՝ ոգեշնչված կատալոնացի ճարտարապետ Անտոնիո Գաուդիի ճարտարապետությամբ: Այս մասին, ինչպես տեղեկացնում Է «Արմենպրես»-ը, հաղորդվում Է բրենդի մայիսի 29-ի մամուլի տեղեկագրում:
Շարքն աչքի Է ընկնում արտասովոր դիզայնով եւ սահուն գծերով, որոշ մոդելներ գեղազարդված են գունավոր խայտանկարով: Նորույթների թվում են ճպուռներ հիշեցնող ականջօղերը եւ եղջյուրյա ուլունքահատիկները:
UNOde50 առեւտրանիշը հիմնվել Է 90-ական թվականների վերջին Իսպանիայում: Անվանումն իսպաներենից թարգմանվում Է որպես «հիսունից մեկը». սկզբնապես բոլոր արտադրանքները թողարկվում Էին 50-ական օրինակ բացառիկ շարքերով, բայց ժամանակի հետ քանակներն ավելացվել են: Մասնագիտանում Է ոսկե կամ արծաթե պատվածքով մետաղյա դետալներով եւ գունավոր բյուրեղներով կաշվից զարդեղենի արտադրության բնագավառում:
Անտոնիո Գաուդին իսպանացի եւ կատալոնացի ճարտարապետ Է, նրա նախագծերի մեծ մասը կառուցված Է Բարսելոնում. Գուելի պալատը, Միլայի տունը, Բալիոյի տունը եւ այլ կառույցներ:
Բաժանորդագրվեք մեր ալիքին Telegram-ում