ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Կիրիշիում տեղի ունեցան «Աշխարհի պատանի աստղեր» միջազգային մրցաշարի 4-րդ և 5-րդ տուրերի պարտիաները:

«Արմենպրես»-ի փոխանցմամբ` Արամ Հակոբյանը վերջին երկու պարտիաներն էլ ավարտեց ոչ-ոքի արդյունքով, իսկ Շանթ Սարգսյանը նշեց 2 հաղթանակ: Խաղացված 5 տուրից հետո Արամ Հակոբյանը, Շանթ Սարգսյանը, Սերգեյ Լոբանովը և Կիրիլ Շևչենկոն վաստակել են 3.5-ական միավոր և կիսում են 1-4-րդ հորիզոնականները:

Երկու շախմատիստ՝ Կիրիլ Շուբինը և Կաասեն Տոր Ֆրեդրիկը, առաջատարներից ետ են մնում կեսական միավորով և բաժանում են 5-6-րդ հորիզոնականները:

Այսօր մրցաշարում հանգստյան օր է: Վաղը կայանալիք 6-րդ տուրի կենտրոնական պարտիայում առաջատարներից երկուսը՝ Արամ Հակոբյանը և Սերգեյ Լոբանովը, կմրցեն միմյանց հետ: Շանթ Սարգսյանի մրցակիցը կլինի Պաուլյուս Պուլտինյավիչյուսը, իսկ Կիրիլ Շևչենկոն ուժերը կչափի Միխայիլ Նիկիտենկոյի հետ: