Թուրք քաղաքական գործիչը հայատյաց հայտարարություն է արել
12:58, 19 Մայիս 2017
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Թուրքիայի «Մեծ միություն» կուսակցության ղեկավար Մուստաֆա Դեսթեջին հանդես է եկել հայատյաց հայտարարությամբ՝ կոչ անելով երկրի ղեկավարությանն անմիջապես արտաքսել Թուրքիայում բնակվող հայերին: Ինչպես հաղորդում է «Արմենպրես»-ը, այս մասին հայտնում է T24 լրատվական գործակալությունը:
Դեսթեջին ընդգծել է, որ «Թուրքիան չպետք է որևէ հարաբերություն ունենա Հայաստանի հետ, սահմանը չպետք է բացվի»:
Խոսելով Հայաստանի ու Ադրբեջանի միջև հարաբերություններից՝ «Մեծ միություն» կուսակցության ղեկավարը կոչ է արել արտաքսել երկրում բնակվող, սակայն Թուրքիայի քաղաքացիություն չունեցող հայերին:
Բաժանորդագրվեք մեր ալիքին Telegram-ում