1000х90.jpg (78 KB)

Երևանում՝ 11:07,   29 Մարտ 2024

Հաղթանակի օրը հիշեցնում է բոլորին, որ պետք է ապրենք խաղաղության մեջ. Տիգրան Սարգսյան

Հաղթանակի օրը հիշեցնում է բոլորին, որ պետք է ապրենք խաղաղության մեջ. Տիգրան 
Սարգսյան

ԵՐԵՎԱՆ, 9 ՄԱՅԻՍԻ, ԱՐՄԵՆՊՐԵՍ: Եվրասիական տնտեսական հանձնաժողովի կոլեգիայի նախագահ Տիգրան Սարգսյանը շնորհավորական ուղերձ է հղել Հաղթանակի օրվա առթիվ: Նա, շնորհավորելով օրվա առթիվ, նշել է, որ պատերազմները չպետք է կրկնվեն:

«Մեր երկրի պատմության մեջ Մայիսի 9-ը մեծ օր է: Հրավառության զարկը, որը հնչում է եվրասիական ամբողջ տարածքում, հիշեցնում է մեր պապերի ռազմական սխրանքի մասին` 72 տարի առաջ հաղթահարելով դաժան ագրեսորին` գերմանական ֆաշիզմին»,- «Արմենպրես»-ի հաղորդմամբ ասել է նա:

Տիգրան Սարգսյանը նշել է, որ 4 տարի տևած պատերազմական գործողությունները լցված են եղել ցավով, կորուստներով, դժվարությունները հաղթահարելով, արցունքներով և հաղթանակի համար հպարտությամբ, ինչպես նաև հերոսական օրինակներով, ռուսների, հայերի, բելառուսների և ղազախների, ղրղզների, տասնյակ այլ ազգերի ներկայացուցիչների միավորմամբ: Նա ընդգծել է, որ մեր բոլորի համար Հաղթանակի օրվա գլխավոր խորհրդանիշն է մեր ազգերի քաջությունը, որ կարողացան միասին` ուս ուսի տված, պաշտպանել սեփական տունը, իրենց հարազատներին, մտերիմներին, չվախենալ մահից և հաղթել` հանուն խաղաղ կյանքի:

«Այսօր մենք ասում ենք երախտիքի խոսքեր վետերաններին, այն մարդկանց, առանց որոնց չէր լինի այս մեծ հաղթանակը, ովքեր անձնվիրաբար ապրում էին և զոհվում պատերազմի դաշտում: Մենք ցավով ենք հիշում այն մարդկանց,  ովքեր մնացին կռվի դաշտում: Ես համոզված եմ` տառապանքները, որոնք բերում են պատերազմները, չպետք է կրկնվեն: Այդ իսկ պատճառով Հաղթանակի օրը հիշեցնում է բոլորին այն, որ մենք պետք է ապրենք խաղաղության մեջ, գտնենք համաձայնության գալու հնարավորություններ  և փնտրել այն, որ միավորում է ազգեր և պետություններ»,-ասել է Տիգրան Սարգսյանը:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]