Արթուր Ալեքսանյանը կմասնակցի հունահռոմեական ոճի ըմբշամարտի Եվրոպայի առաջնությանը
20:00, 28 Ապրիլ 2017
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Ըմբշամարտի Եվրոպայի առաջնությանը օլիմպիական խաղերի չեմպիոն Արթուր Ալեքսանյանի (98 կգ) մասնակցությունը հաստատվել է: Ինչպես հաղորդում է «Արմենպրես»-ը` վկայակոչելով Հայաստանի ազգային օլիմպիական կոմիտեի պաշտոնական կայքը, այս մասին ապրիլի 28-ին հայտնել է ըմբշամարտի Հայաստանի ազգային հավաքականի գլխավոր մարզիչ Լեւոն Ջուլֆալակյանը:
Ալեքսանյանը մարզումների ընթացքում վնասել էր ծունկը, այդ պատճառով մինչ այս պահը նրա մասնակցությունը հարցականի տակ էր:
Այժմ հունահռոմեական ոճի ըմբշամարտի հավաքականը մարզվում է բելառուսական Ստայկիում: Մեր թիմը մրցավայր կմեկնի մայիսի 4-ին:
Ըմբշամարտի Եվրոպայի առաջնությունը կայանալու մայիսի 2-7-ը: Հունահռոմեական ոճի ըմբիշները մրցելու են մայիսի 5-7-ը:
Բաժանորդագրվեք մեր ալիքին Telegram-ում