Բնության պետական թանգարանում ներկայացվել է «Բնությունը և մարդը» խորագրով ցուցահանդես
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Հայաստանի բնության պետական թանգարանում ապրիլի 28-ին տեղի է ունեցել «Բնությունը և մարդը» խորագրով ցուցահանդեսը:
Ինչպես «Արմենպրես»-ին տեղեկացրին ՀՀ բնապահպանության նախարարության տեղեկատվության և հասարակայնության հետ կապերի վարչությունից, ցուցահանդեսին ներկայացվել են հեղինակներ` կերպարվեստի դոցենտ, ՀՀ և ԽՍՀՄ-ի նկարիչների միության անդամ Թադևոս Տեր-Մեսրոպյանի և ՀՀ կիրառական արվեստի և դիզայնի միության անդամ Սուսաննա Խանամիրյանի «Տեր-Մեսրոպյան» նկարների համատեղ ցուցահանդեսը: Ցուցահանդեսին ներկայացվել է նաև Թադևոս Տեր-Մեսրոպյանի մասին պատմող տեսաֆիլմը: Միջոցառմանը ներկա էին մշակույթի անվանի գործիչներ` Գեղեցիկ արվեստների ակադեմիայի ռեկտոր Էդուարդ Սեդրակյանը, Սանկտ Պետերբուրգի գրականության ակադեմիայի անդամ, արվեստաբան, թարգմանիչ Էմմա Բուդաղյանը, ՀՀ կոմպոզիտորների միության անդամ Գայանե Քեսոյանը:
Հրավիրված էին նաև միջազգային մրցույթի դափնեկիրներ, ովքեր հանդես եկան երաժշտական ստեղծագործություններով:
Բաժանորդագրվեք մեր ալիքին Telegram-ում