ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Գիտնականների միջազգային կոլեկտիվը հանգել Է այն եզրակացության, որ ֆիզիկական ակտիվության կանոնավոր պարապմունքները կարող են նվազեցնել ծագումնաբանական գործոնների բացասական ազդեցությունը, որոնք կանխորոշում են մարդու ճարպակալման հակվածությունը: Ինչպես տեղեկացնում Է «Արմենպրես»-ը, համապատասխան հետազոտությունը հրապարակված Է PLOS Genetics հանդեսում:
Մասնագետները պարզել են, որ կանոնափոր ֆիզիկական վարժությունները նվազեցնում են FTO գենի ակտիվությունը, որը ճարպակալման հավանականությունը բարձրացնում Է երեսուն տոկոսով:
Գիտնականները նման եզրակացությունների են հանգել՝ կատարելով այն տվյալների մետաանալիզ, որոնք միավորում են ավելի քան 200 հազար մարդու վերաբերող տեղեկատվությունը: Մասնագետները կարծում են, որ ֆիզկուլտուրայով զբաղվելը, հավանաբար, փոխում Է ոչ միայն FTO-ի, այլեւ այն մյուս 11 գեների ակտիվությունը, որոնք հայտնաբերվել են հետազոտության ընթացքում եւ նույնպես կապված են ճարպակալման հետ:
Նշվում Է, որ ֆիզիկական ակտվությունն առաջվա պես մնում Է այն գլխավոր գործոնը, որը նվազեցնում Է մարդու մարմնի ավելորդ զանգվածի հայտնվելու ռիսկը: