Մեկնարկեց Հայաստանի լողի առաջնությունը
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Երևանում մեկնարկեց Հայաստանի լողի առաջնությունը, որին մասնակցում են 125 մարզիկ:
«Արմենպրես»-ի հաղորդմամբ` առաջնության մեկնարկային օրը լողորդները ուժերն են չափել 50 մ ազատ ոճ, 100 մ բրաս, 100 մ թիկնալող, 400 մ ազատ ոճ, 4 x 50 մ ազատ ոճի փոխանցալող մրցաձևերում:
50 մետր ազատ ոճ տղաներից չեմպիոն դարձավ Վահան Մխիթարյանը, իսկ աղջիկներից` Վարսենիկ Մանուչարյանը: 100 մետր բրաս լողաձևում լավագույնները Լևոն Վարդանյանը և Էլեն Սայանն էին: 100 մետր թիկնալողում ոսկե մեդալակիրներ դարձան Անի Պողոսյանը և Մայքլ Բրաունը:
400 մետր ազատ ոճում լավագույն արդյունք գրանցեցին Գևորգ Մարկոսյանը և Վարսենիկ Մանուչարյանը: Փոխանցումալողում թիմերի չեմպիոններ դարձան «Ակվլենդ»-ի աղջիկների և Դավիթ Համբարձումյանի անվան ջրացատկի օլիմպիական հերթափոխի մասնագիտացված մանկապատանեկան մարզադպրոցի տղաների թիմերը:
Բաժանորդագրվեք մեր ալիքին Telegram-ում