Խմելու ջրի սպասարկման տարածքից դուրս մնացած 560 համայնքների վերաբերյալ նախնական ուսումնասիրություն է կատարվել
20:18, 27 Ապրիլ 2017
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Հայաստանում խմելու ջրի սպասարկման տարածքից դուրս մնացած 560 համայնքներ կան: «Արմենպրես»-ի հաղորդմամբ` այս մասին ապրիլի 27-ին լրագրողների հետ հանդիպման ժամանակ ասաց ՀՀ ջրային տնտեսության պետական կոմիտեի նախագահ Արսեն Հարությունյանը: Նրա խոսքով` այդ խնդիրը կառավարության 2017 թվականի գերակա խնդիրներից մեկն է:
«Մենք պլանավորել ենք և ունենք նախնական ուսումնասիրություն 560 համայնքներում կատարված աշխատանքների վերաբերյալ: Այժմ ընթանում է հաջորդ փուլը. մենք այդ համայնքները բաժանում ենք առանձին փաթեթների, որպեսզի վերջում որոշումը կայացվի ընդհանուրը տալ մեկ օպերատորի, թե՞ կազմակերպվելիք 15 առանձին մրցույթների արդյունքում առանձին փաթեթներով տանք կառավարությանը»,- ասաց նա:
Բաժանորդագրվեք մեր ալիքին Telegram-ում