Եվրոպական հանձնաժողովի փոխնախագահը կոչ է արել Թուրքիայի հստակեցնել դիրքորոշումը ԵՄ հարցում
15:05, 27 Ապրիլ 2017
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Եվրոպական հանձնաժողովի փոխնախագահ Վալդիս Դոմբրովսկիսը կոչ է արել Թուրքիայի նախագահ Ռեջեփ Թայիփ Էրդողանին հստակություն մտցնել այն հարցում, թե արդյոք իրենք շարունակում են ցանկանալ լինել Եվրամիության անդամ: Ինչպես հաղորդում է «Արմենպրես»-ը, այս մասին հայտնում է CNN Turk-ը:
Դոմբրովսկիսը հայտնել է, որ հանձնաժողովի ներսում լուրջ մտահոգություններ կան` կապված Թուրքիայում ժողովրդավարական չափանիշների հետ: «Չնայած առկա լուրջ մտավախություններին` կան շատ ոլորտներ, որտեղ պետք է միասին աշխատենք: Թուրքիան պետք է հստակեցնի Եվրամիության և այդ կառույցին անդամակցելու հարցում իր նպատակները»,- ասել է Եվրոպական հանձնաժողովի փոխնախագահը:
Բաժանորդագրվեք մեր ալիքին Telegram-ում