Ջոուի Բարթոնը խաղադրույքներ կատարելու համար 1.5 տարով հեռացվել է ֆուտբոլից
21:29, 26 Ապրիլ 2017
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Անգլիական «Բարնլի»-ի կիսապաշտպան Ջոուի Բարթոնը 18 ամսով հեռացվել է ցանկացած ֆուտբոլային գործունեությունից: Ինչպես հաղորդում է «Արմենպրես»-ը նման որոշում է կայացրել Անգլիայի ֆուտբոլի ասոցիացիան:
Անգլիայի ֆուտբոլը կանոնակարգող մարմինը նման որոշում է կայացրել այն բանից հետո, երբ ֆուտբոլիստն ընդունել է խաղադրույքներ կատարելու մեղադրանքը:
Ավելի վաղ հայտնի էր դարձել, որ 2006 թվականի մարտի 26-ից մինչև 2016 թվականի մայիսի 13-ը Ջոուի Բարթոնը տարբեր իրադարձությունների վրա 1260 անգամ խաղադրույք է կատարել, ինչը Անգլիայի ֆուտբոլի ասոցիացիայի կանոնակարգի խախտում է:
Բարթոնը տուգանվել է նաև 30 հազար ֆունտով և հետագայի համար զգուշացում ստացել:
Բաժանորդագրվեք մեր ալիքին Telegram-ում