Շուշի-Բերձոր միջպետական ճանապարհը բարեկարգվում է
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Շուշի-Բերձոր միջպետական ճանապարհահատվածի երթևեկելի գոտիներում փոսալցման, ճաքալցման աշխատանքներ են տարվում: «Արմենպրես»-ին ԼՂՀ քաղաքաշինության նախարարությունից տեղեկացրին, որ միջպետական ճանապարհահատվածում իրականացվում է փոսալցում, իսկ Լիսագորի հատվածում մոտ 2,6 կմ տարածքում կատարվում է բետոնացում և միաշերտ ասֆալտապատում: «Ձմռանը տեղացած առատ ձյան պատճառով ճանապարհները մաքրելու, բոլոր տրանսպորտային միջոցների ազատ երթևեկությունն ապահովելու համար, այս հատվածում ևս ճանմաքրման ավանդական ձևն է կիրառվել: Աղի ու ավազի խառնուրդով արագ բացվում են ճանապարհները, սակայն, գարնան սկզբին առաջանում են որոշ խնդիրներ: Աղաջուրը քայքայում է ճանապարհը, տեղ-տեղ առաջացնում ճեղքեր ու փոսեր», - պարզաբանում է նախարարությունը:
Աշխատանքներն իրականացվում են պետբյուջեի միջոցներով: Կապալառու կազմակերպությունը «Քարավան» ՍՊԸ-ն է:
Բաժանորդագրվեք մեր ալիքին Telegram-ում