Ջեֆ Գոլդբլյումը նկարահանվելու Է Սփիլբերգի «Յուրայի շրջանի բնայգու» շարունակության մեջ. THR
13:39, 26 Ապրիլ 2017
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ամերիկացի դերասան Ջեֆ Գոլդբլյումը նկարահանվելու Է «Յուրայի շրջանի բնայգին» կուլտային ֆիլմաշարի շարունակության մեջ: Նախագծով զբաղվում են Universal Pictures եւ Amblin Entertainment կինոստուդիաները: Այդ մասին, ինչպես տեղեկացնում Է «Արմենպրես»-ը, ապրիլի 25-ին հայտնել Է The Hollywood Reporter հանդեսը:
Հրատարակության տվյալներով՝ ապագա կինոնկարի գործադիր պրոդյուսերը հռչակավոր ամերիկացի ռեժիսոր Սթիվեն Սփիլբերգն Է, ֆիլմի ռեժիսորը լինելու Է երիտասարդ կատալոնացի Խուանու Անտոնիո Բայոնեն: Դերասանական կազմում տեղ են գտել Քրիս Փրաթը եւ Բրայս Դալաս Հովարդը, որը նկարահանվել Է ռեժիսոր Քոլին Թրեւորոուի «Յուրայի շրջանի աշխարհը» (2015 թվական) ժապավենում, ինչպես նաեւ Ջասթիս Սմիթը, Ջեյմս Քրոմուելը եւ Թոբի Ջոնսը: Թրեւորոուն գրելու Է նոր ֆիլմի սցենարը:
«Յուրայի շրջանի աշխարհին» նախորդել են «Յուրայի շրջանի բնայգին» (1993 թ.), «Յուրայի շրջանի բնայգի 2. Մոռացված աշխարհը» (1997 թ.) եւ «Յուրայի շրջանի բնայգի 3» (2001 թ.) ֆիլմերը: 2015 թվականի դրությամբ նախագծից աշխարհում առաջին կինոնկարի միագումար դրամական մուտքերը հասնում Էին 1,67 մլրդ դոլարի: Այս ցուցանիշով «Յուրայի շրջանի բնայգին» չորրորդ տեղն Է զբաղեցնում կինեմատոգրաֆի պատմության մեջ:
64-ամյա Գոլդբլյումը նկարահանվել Է ավելի քան հարյուր կինոնկարներում: Դրանցից ամենահայտնիներն են համարվում «Ճանճը» (1986 թ.), «Անկախության օրը» (1996 թ.) եւ «Յուրայի շրջանի բնայգի»-ները: «Փոքրիկ անակնկալներ» կարճամետրաժ կատակերգությունում (1996 թ.) կատարած աշխատանքի համար նա անվանակարգվել Է «Օսկար» կինոմրցանակի, հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում