Ամերիկացի գիտնականներին հաջողվել Է վաղածին գառներին խնամել արհեստական արգանդում
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: Ամերիկացի գիտնականներին հաջողվել Է վաղածին գառներին խնամել արհեստական արգանդի միջոցով, որը մեծ պլաստիկե պայուսակի տեսք ունի, տեղեկացնում Է «Արմենպրես»-ը՝ հղում անելով BBC-ին:
Արհեստական արգանդը սաղմերին ապահովում Է զարգացման եւ հասունացման համար անհրաժեշտ ամեն ինչով, ներառյալ արյան անընդհատ մատակարարումը եւ ամնիոտիկ հեղուկի պաշտպանական շերտը:
Գիտնականները կարծում են, որ իրենց գյուտը մի օր կկարողանա օգնել վաղածին մանկիկների խնամքին: Մարդկանց վրա փորձարկումները, հնարավոր Է, սկսվեն մի քանի տարի հետո:
Արհեստական արգանդը մտահղացել եւ ստեղծել են Ֆիլադելֆիայի մանկական հիվանդանոցի գիտնականները: Նրանք նշում են, որ արհեստական արգանդը մայրականի փոխարինումը չԷ, այն լոկ թույլ Է տալիս պահպանել ժամկետից շուտ ծնվածների կենսունակությունը:
Բաժանորդագրվեք մեր ալիքին Telegram-ում