101-ամյա հնդիկ մարզուհին հաղթահարել Է հարյուրմետրանոց տարածությունը
12:31, 25 Ապրիլ 2017
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Օքլենդ քաղաքում (Նոր Զելանդիա) 101-ամյա մարզուհի Ման Քաուրը՝ Հնդկաստանից, հարյուրմետրանոց վազքատարածությունը հաղթահարել Է մեկ րոպե 14 վայրկյանում: Ինչպես տեղեկացնում Է «Արմենպրես»-ը, ապրիլի 24-ին այս մասին հաղորդել Է BBC-ն:
Նշվում Է, որ Վետերանների համաշխարհային խաղերում Քաուրը եղել Է միակ վազորդուհին այդ տարիքային կատեգորիայում: Կինը բժշկական ստուգում Է անցել մրցումների սկսվելուց առաջ: Քաուրն սկսել Է սպորտով զբաղվել 93 տարեկանում:
Նա ֆիզիկական ակտիվությամբ հետաքրքրվել Է որդու՝ Գուրդեւի հետ միասին:
Բաժանորդագրվեք մեր ալիքին Telegram-ում