1000х90.jpg (78 KB)

Երևանում՝ 11:07,   29 Մարտ 2024

Թուրքիայում հակահայկական, հակահայաստանյան քաղաքականությունը կշարունակվի

Թուրքիայում հակահայկական, հակահայաստանյան քաղաքականությունը կշարունակվի

ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ:  Թուրքիայում հակահայկական, հակահայաստանյան քաղաքականությունը կշարունակվի: Այս մասին Երևանում կազմակերպված քննարկմանը նշեց թուրքագետ Լևոն Հովսեփյանը:

«Հայ-թուրքական հարաբերությունների հեռանկարի հետ կապված ես հիմքեր չեմ տեսնում: Այն հռետորաբանությունը, որ Թուրքիայի իշխանությունն արմատավորում է հասարակության մեջ` ձևավորելով ազգայնամոլական օրակարգ, կշարունակվի: Կշարունակվեն մնալ հակահայկական տրամադրությունները: Թուրքիայի հարաբերությունները Հայաստանի հարցում փոփոխության չեն ենթարկվի»,-«Արմենպրես»-ի հաղորդմամբ՝ ասաց Լևոն Հովսեփյանը:

Քննարկմանը Ստամբուլից տեսակապով միացած «Ակոս» թերթի հայկական բաժնի խմբագիր Բագրատ Էստուկյանի խոսքով, գուցե բարեբախտություն է, որ Թուրքիայի հետ դիվանագիտական, քաղաքական հարաբերություններ հաստատված չեն:

«Հայաստանի անկախացումից հետո պետք է բնականոն լիներ հարաբերությունների հաստատումը, սակայն եթե դրացին բարի չէ, ավելին՝ այն վտանգավոր է, ուրեմն լավ է, որ երկկողմանի հարաբերություններ չկան: Ամեն դեպքում, որոշ շփումներ կան մտավորականների, մշակութային գործիչների, ակադեմիկական մակարդակում»,-հավելեց նա:

Թուրքիայում ապրիլի 16-ին տեղի ունեցած սահմանադրական հանրաքվեով ընտրատեղամասերի 99,97 տոկոսի արդյունքներով հաղթող է ճանաչվել «այո»-ն: Սահմանադրական փոփոխություններին «այո» է ասել ընտրողների 51,41 տոկոսը, «ոչ»` 48,59 տոկոսը: Համաձայն փոփոխությունների՝ նախագահը լիազորություն է ստանում ուղղակիորեն նշանակել պետական կարևոր պաշտոնյաների՝ այդ թվում և նախարարներին: Նա իրավունք է ունենալու նշանակել մեկ կամ մի քանի փոխնախագահի: Նախագահը կարողանալու է միջամտել դատական համակարգին, նա է որոշելու հայտարարել արտակարգ դրություն, թե ոչ: Նոր փոփոխություններով՝ Թուրքիայում նախագահ կարող է ընտրվել 40 տարին լրացած, բարձրագույն կրթություն ունեցող, պատգամավոր ընտրվելու պայմաններին բավարարող, Թուրքիայի քաղաքացիություն ունեցող անձը: Նա պաշտոնավարելու է 5 տարի ժամկետով: Ընդ որում, մեկ անձն առավելագույնը կարող է ընտրվել երկու անգամ: Երկրի նախագահին թույլատրվելու է լինել կուսակցական: Նախագահն է նշանակելու այլ երկրներում Թուրքիայի դեսպաններին և հետ կանչելու նրանց: Մյուս փոփոխություններով՝ նախատեսվում է մեջլիսի պատգամավորների թիվը 550-ից դարձնել 600: Պատգամավոր ընտրվելու տարիքը 25-ից իջեցվելու է 18-ի: Մեջլիսի և նախագահի ընտրություններն անցկացվելու են 5 տարին մեկ անգամ՝ միևնույն օրը: Սահմանադրական հանրաքվեով «այո»-ի հաղթանակի պարագայում փոփոխությունները ուժի մեջ կմտնեն 2019 թվականից:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]