Ժամանակը Երևանում՝ 11:07:36,   23 Հոկտեմբեր

Հայաստանում պատմամշակութային հուշարձանները զբոսավայր դարձնելու 20 ծրագիր է նախատեսվել


ԵՐԵՎԱՆ, 15 ԱՊՐԻԼԻ, ԱՐՄԵՆՊՐԵՍ: Հայաստանում այս տարի զբոսաշրջային  արդյունքի դիվերսիֆիկացման շրջանակներում  նախատեսվել է զբոսաշրջային  վայր չհանդիսացող  պատմամշակութային  հուշարձաններն ու բնության հատուկ պահպանվող տարածքները զբոսավայր  դարձնելու առնվազն 20  ծրագրի մշակում, հաստատում և իրականացում: «Արմենպրես»-ի հաղորդմամբ` ապրիլի 15-ին Հայաստանի ամերիկյան համալսարանում տեղի ունեցած«Էկոտուրիզմը Հայաստանում» գիտաժողովի բացման ելույթում ասաց ՀՀ Զբոսաշրջության պետական կոմիտեի նախագահ Զարմինե Զեյթունցյանը:  

«Հայաստանն ունի զբոսաշրջության և էկոտուրիզմի լուրջ հեռանկարներ և միջազգային զբոսաշրջային շուկայում կարող ենք առաջարկել բազմաբնույթ զբոսաշրջային արդյունք, այդ թվում նաև էկոտուրիզմում»,- ընդգծեց Զեյթունցյանը:

Նրա խոսքով` զբոսաշրջության պետական կոմիտեի կողմից իրականացվում են  ինստիտուցիոնալ բարեփոխումներ: «Այս շրջանակներում կատարելագործվում է նաև զբոսաշրջության ոլորտի օրենսդրական դաշտը, հատուկ տեղ է հատկացվում նաև էկոտուրիզմի զարգացմանը: Զբոսաշրջության ոլորտի պետական քաղաքականության նպատակն է զբոսաշրջության կայուն զարգացման միջոցով նպաստել բնական ռեսուրսների պահպանությանը, ռացիոնալ օգտագործմանը»,- ասաց Զեյթունցյանը:

 



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ