Սամվել Տեր-Սահակյանը հաղթեց «Կարպոս Օփեն» մրցաշարում
10:01, 9 Ապրիլ 2017
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Մակեդոնիայի մայրաքաղաք Սկոպյե քաղաքում ընթացող «Կարպոս Օփեն» մրցաշարի հաղթող դարձավ Սամվել Տեր-Սահակյանը:
«Արմենպրես»-ի հաղորդմամբ` վերջին` 9-րդ տուրում, Տեր-Սակահյանը մրցումմ էր Մանուէլ Պետրոսյանի հետ, որտեղ հաղթանակ տոնեց: Ռոբերտ Հովհաննիսյանը ևս գերազանցեց մրցակցին:
Սամվել Տեր-Սահակյանը 4 շախմատիստների հետ 9 հնարավորից հավաքեց 7,5 միավոր, բայց Տեր-Սահակյանը լրացուցիչ միավորներով դարձավ մրցաշարի հաղթող: Ռոբերտ Հովհաննիսյանը 10-րդ, իսկ Մանուէլ Պետրոսյանը` 13-րդ տեղերում են:
Բաժանորդագրվեք մեր ալիքին Telegram-ում