Ծանրորդ Սիմոն Մարտիրոսյանը դարձավ Եվրոպայի չեմպիոն
14:42, 8 Ապրիլ 2017
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ծանրամարտի Հայաստանի տղամարդկանց հավաքականի անդամ, Օլիմպիական խաղերի արծաթե մեդալակիր Սիմոն Մարտիրոսյանը դարձավ Եվրոպայի չեմպիոն:
«Արմենպրես»-ի հաղորդմամբ` 105 կգ քաշային կարգում Հայաստանի ներկայացուցիչ Սիմոն Մարտիրոսյանը 184 կգ պոկելով նվաճեց փոքր ոսկե մեդալ: Հրում վարժությունում օլիմպիական փոխչեմպիոնը բարձրացրեց 230 կգ, դարձավ նաև փոքր ոսկե մեդալակիր: Երկամարտի 414 կգ արդյունքով Մարտիրոսյանը դարձավ չեմպիոն:
Հայաստանի մյուս ներկայացուցիչ Սամվել Գասպարյանը պոկեց 165 կգ, իսկ հրում վարժությունում գլխավերևում պահեց 210 կգ: Երկամարտի 375 կգ արդյունքով նա գրավեց յոթերորդ հորիզոնականը:
Ապրիլի 8-ին 19:10-ին մրցակցության մեջ կմտնեն գերծանր քաշայիններ Գոռ Մինասյանը և Ռուբեն Ալեքսանյանը:
Բաժանորդագրվեք մեր ալիքին Telegram-ում