Կոնչալովսկու «Դրախտ»-ը շահել Է «Նիկե» մրցանակը եւ ճանաչվել տարվա լավագույն ֆիլմ
11:07, 29 Մարտ 2017
ԵՐԵՎԱՆ, 29 ՄԱՐՏԻ, ԱՐՄԵՆՊՐԵՍ: Անդրեյ Կոնչալովսկու «Դրախտ» կինոնկարն արժանացել Է «Նիկե» կինոմրցանակի՝ «Լավագույն ֆիլմ» գլխավոր անվանակարգում: Հաղթողների պարգեւատրման երեսուներորդ՝ հոբելյանական, արարողությունը տեղի Է ունեցել մարտի 28-ի ուշ երեկոյան Մոսսովետի անվան թատրոնում, տեղեկացնում Է «Արմենպրես»-ը՝ հղում անելով ՏԱՍՍ-ին:
«Ես շնորհակալ եմ բոլորին,- ասել Կոնչալովսկին:- Այժմ ես ելույթ եմ ունենում այն թատրոնի բեմում, որտեղ աշխատում եմ, ներկայացումներ» բեմադրում: Ռեժիսորը նշել Է, որ իր կինոնկարում արծարծված թեման սկսում Է մոռացվել: «Ես նկատի ունեմ XX դարի աղետները եւ, հատկապես Հոլոքոստը, այդ վերքը չպետք Է մոռացության մատնվի»,- համոզված Է Կոնչալովսկին:
Նա նաեւ լավագույնն Է ճանաչվել ռեժիսորական աշխատանքի համար: Յուլյա Վիսոցկայան, ով խաղացել Է Կոնչալովսկու «Դրախտ» ֆիլմում, եւ Տիմոֆեյ Տրիբունցեւը, ով նկարահանվել Է Նիկոլայ Դոստալի «Վանականն ու չար ոգին» կինոնկարում, «Նիկե» են ստացել լավագույն դերասանական աշխատանքի համար:
Բաժանորդագրվեք մեր ալիքին Telegram-ում