Վարդենյաց լեռնանցքը բացվել է
16:23, 28 Մարտ 2017
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ մարտի 28-ին՝ ժամը 15:30-ի դրությամբ, «Շանթ - Սեյրան» ՍՊ ընկերության ճանապարհաշինարարների կատարած մաքրման լայնածավալ աշխատանքների արդյունքում բացվել է Վարդենյաց լեռնանցքը:
Լեռնանցքը դեռևս դժվարանցնելի է:
Ինչպես «Արմենպրես»-ին տեղեկացրին ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունից, ՀՀ միջպետական և հանրապետական նշանակության բոլոր ավտոճանապարհները բաց են:
Բաժանորդագրվեք մեր ալիքին Telegram-ում