Մանկաբարձ-գինեկոլոգների ատեստավորման նախապատրաստական աշխատանքներն ավարտման փուլում են
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: ՀՀ առողջապահության նախարարի հրամանի համաձայն, ապրիլից սեպտեմբեր կիրականացվի ծննդօգնության հիվանդանոցային հաստատությունների մանկաբարձ-գինեկոլոգների թեստավորում: Ինչպես «Արմենպրես»-ին տեղեկացրին առողջապահության նախարարությունից, նախարարի հրամանով հաստատվել են մանկաբարձ-գինեկոլոգների թեստավորման գործընթացին ներկայացվող պահանջներն ու պայմանները, մանկաբարձ-գինեկոլոգների թեստավորման հարցաշարը:
Թեստավորումը կիրականացվի ամբողջությամբ էլեկտրոնային եղանակով:
Թեստավորման նախապատրաստական աշխատանքներն ավարտման փուլում են: Կազմվում են թեստավորման գործընթացի անհատական ժամանակացույցեր` ըստ մարզերի և ծննդօգնության հաստատությունների:
Թեստավորումն անցկացվում է մանկաբարձագինեկոլոգիական բուժօգնության մասնագիտական որակի բարելավման, ծննդօգնության հիվանդանոցային հաստատությունների մանկաբարձ-գինեկոլոգների գիտելիքների գնահատման նպատակով:
Բաժանորդագրվեք մեր ալիքին Telegram-ում