Ֆուտբոլի հավաքականի անդամները աջակցությունն են հայտնել Գևորգ Ղազարյանին
11:59, 28 Մարտ 2017
ԵՐԵՎԱՆ, 28 ՄԱՐՏԻ, ԱՐՄԵՆՊՐԵՍ: Հայաստանի ֆուտբոլի ազգային թիմի ֆուտբոլիստները սոցցանցերում իրենց աջակցությունն են հայտել Գևորգ Ղազարյանին:
«Շուտ լավացիր և մնա ուժեղ»,- «Արմենպրես»-ի փոխանցմամբ` իր ֆեյսբուքյան էջում գրել է Մխիթարյանը:
«Հույս ունեմ շուտ կլավանաս, եղբայր: Լիահույս եմ, որ էլի գոլեր խփես և միասին կշենք: Ուժեղ եղիր և լավ ապաքինում»,- գրել է Մարկոս Պիզելին:
«Սա քո հաղթանակն էր, ուժեղ մնա»,- գրել է Էդգար Մանուչարյանը:
Ղազարյանի վնասվածքը բավականին լուրջ է: Նախնական հետազոտությամբ Գևորգի մոտ ախտորոշվել է ծնկի խաչաձև կապանների մասնակի պատռվածք և մենիսկի վնասվածք: Նրա ոտքն այժմ գիպսի մեջ է: Նա արդեն վաղը կմեկնի Գերմանիա` հետազոտության և, ամենայն հավանականությամբ, կենթարկվի վիրահատության:
Բաժանորդագրվեք մեր ալիքին Telegram-ում