Երևանում՝ 11:07,   19 Մարտ 2024

Դեսպան Մկրտչյանը Լիտվայի Սեյմասի փոխնախագահին է ներկայացրել ԼՂ հարցում Ադրբեջանի ապակառուցողական քայլերը

Դեսպան Մկրտչյանը Լիտվայի Սեյմասի փոխնախագահին է ներկայացրել ԼՂ հարցում  
Ադրբեջանի ապակառուցողական քայլերը

ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Լիտվայում ՀՀ դեսպան Տիգրան Մկրտչյանը մարտի 27-ին հանդիպել է Սեյմասի (խորհրդարան) փոխնախագահ, խորհրդարանում եվրոպական հարաբերությունների հանձնաժողովի նախագահ, նախկին վարչապետ Գեդիմինաս Կիրկիլասի հետ։ Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով.«Դեսպան Մկրտչյանը շնորհավորեց Գեդիմինաս Կիրկիլասին պաշտոնում վերընտրվելու կապակցությամբ՝ մաղթելով նրան նորանոր հաջողություններ։ 

Ապա փոխխոսնակի խնդրանքով ներկայացրեց Հայաստանում կայանալիք խորհրդարանական ընտրություններին առնչվող հարցեր։

Կողմերն ընդգծեցին տնտեսական և քաղաքական հարաբերությունների առավել խորացմանը միտված երկկողմ հետաքրքվածության մասին։

Դեսպան Մկրտչյանը նշեց, որ առաջիկայում ակնկալվում է Հայաստան-Լիտվա միջկառավարական հանձնաժողովի նիստի անցկացումը:

Գեդիմինաս Կիրկիլասը իր հերթին բարձր գնահատեց Հայաստանի և ԵՄ միջև շրջանակային համաձայնագրի շուրջ բանակցությունների ավարտը։ Սեյմասի փոխխոսնակը նաև ընդգծեց, որ բարձր տեխնոլոգիաների բնագավառում Հայաստանը և Լիտվան փոխադարձ հետաքրքրություն կարող են ներկայացնել։ 

Դեսպանը նաև ներկայացրեց Ադրբեջանի կողմից խորհրդարանական մակարդակով տարվող ապակառուցողական քայլերի մասին՝ ընդգծելով, որ նման գործելաոճը որևէ հեռանկար չունի և վնաս է հասցնում ԵԱՀԿ Մինսկի խմբի եռանախագահների միջնորդական առաքելությանը՝ ուղղված ղարաբաղյան հիմնահարցի բացառապես խաղաղ կարգավորմանը»։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]