Պեկինում կհայտնվի մետրոյի առաջին գիծն՝ առանց մեքենավարների գնացքներով
16:48, 24 Մարտ 2017
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Պեկինում 2017 թվականին կբացվի մետրոպոլիտենի առաջին գիծն՝ առանց մեքենավարների գնացքներով: Քաղաքացիներին այս նորությունը հայտնել Է Պեկինի բնակարանային շինարարության եւ քաղաքի ու գյուղի միջեւ կապերի մունիցիպալ հանձնաժողովի ներկայացուցիչը, տեղեկացնում Է «Արմենպրես»-ը:
«Դա կլինի մայրցամաքային Չինաստանում մետրոպոլիտենի առաջին, լիովին մեր ուժերով մշակված ավտոմատ գիծը»,- ասել Է այդ ներկայացուցիչը: Ռոբոտ-գնացքները կերթեւեկեն «Յանֆան» 16,6-կիլոմետրանոց ուղեգծով, որը քաղաքի կենտրոնը կապում Է Ֆանշանի հարավ - արեւմտյան արվարձանային գավառի հետ: Ուղեգիծն այժմ արդիականացնում են:
Պեկինի մետրոն սկսել Է գործել 1969 թվականի հոկտեմբերի 1-ից: Այժմ այն օրական 6,2 միլիոն ուղեւոր Է փոխադրում: Ներկայում Ընդերկնյայի մայրաքաղաքում գործում Է մետրոպոլիտենի 19 գիծ՝ 574 կիլոմետր ընդհանուր երկարությամբ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում